18/10/15

18/10/15   SUN   HOT

今日柏仲又係早起身, 我都係照舊鬧佢, 跟住都係由佢出咗廳, 因為子元好似喺廳, 我都迷迷糊糊啦! 總之7點幾起身又準備去畫班啦, 今日陸生去咗踢波, 程生又要車婷婷去睇醫生, 所以冇人陪我食早餐, 咁得我揍住柏仲又好難食早餐, 於是買咗早餐上阿媽到食, 等佢喺到搗亂吓, 到10點幾我先過返去接佢地, 係要接埋敏瑩, 一揍三揹住柏仲都幾喺嘢, 返咗屋企諗住打暈柏仲就同兩隻嘢溫書, 點知柏仲又唔瞓, 又係搞事, 最終都係混混亂亂咁同佢地溫吓又鬧吓, 老公回來後就出去同程生佢地會合, 食個晏就各自回家溫習, 今晚先上去佢地到晚飯! 返去前我帶子元去百佳shopping, 老公揍柏仲返上去瞓覺先! Shopping完回家就要溫書啦, 唔覺唔覺都溫咗兩個鐘, 佢要我用老師上堂咁role play嚟溫, 不過英數常唔得呀, 快手溫完佢算啦! 溫到4點幾終於收工, 但又未咁早過得去喎, 於是我咪整吓明天的餸, 同佢兩隻嘢玩吓, 摺吓衫咁囉, 咁都做到6點多啦, call埋子慧一齊過去開壽司大會, 喺Aeon浦咗好耐, 買咗飯壺啦可以下個月帶飯, 搞到8點幾先返到上去開餐, 吹吓水睇吓電視咁, 又10點多先走啦, 返到去沖涼後打暈兩隻細, 我地就睇吓電視, 睇到兩點多先瞓!