11/10/15

11/10/15   SUN   COOL

今朝又要學畫畫啦, 子元一早起咗身換好衫等我地, 但我地有點慢啦, 所以撘唔到8:30班車, 睇住架車走! 食埋早餐揍咗佢地上畫室就到我地大人去食早餐啦, 柏仲開始扭, 所以都早點行啦, 揹住佢等佢冇咁多事搞, 然後就一齊去買今晚打邊爐GE嘢, 行行吓柏仲都自動閂機啦, 夠鐘去接咗子元回家就快手溫書, 柏仲回程時已醒咗, 所以交咗比Daddy陪佢先, 到12點幾子元又要出發去踢波, 咁我就同柏仲二人世界, 先係玩陣, 跟住整飯仔佢食, 食完佢話睇書, 咁就睇子元的N組書, 都睇到一本喎, 算係好難得, 肯跟我讀吓字, 到兩點幾, 見佢打呵欠啦, 就開奶比佢飲完捉佢去瞓, 陪佢一陣噯吓佢又瞓咗, 咁我就可以悠閒吓睇吓running man, 當然都有執吓屋咁啦! 老公佢地3點幾返到嚟, 等佢買飯回來嘛, 餓死我啦, 邊吃邊睇, 睇完就趕子元入房溫書! 老公5點幾出門口去踢波, 我地就會過敏瑩到打邊爐, 所以叫子元要快D溫, 咁溫哂恒常課本後就溫默書啦, 點知….又瞓著咗, 又要捉醒佢溫! 最終都叫做溫哂啦, 咁就執書包校服啦, 嗰時都6點多架啦, 柏仲仲未醒喎, 我估佢真係好攰, 最終6點幾時醒了, 咁就換衫出門口, 過到去都7點, 幫手整吓料, 兩隻細就勁搗亂, 我都唔好意思! 終於開到爐食嘢, 其實都有D混亂, 食吓又要睇吓佢地咁, 子慧媽之後嚟埋, 但佢又要上佢個FD嗰到切蛋糕, 所以有一大段時間都走開咗, 得番佢地4個搞事! 真係拆咗人地間屋咁滯! 差不多9點打比老公問佢嚟唔嚟, 因為仲餘下好多嘢食, 咁等佢嚟食埋再走都10點幾啦, 唔鬧佢地都唔肯走, 真係好煩! 打的返去都好晏, 又係快手沖涼瞓覺, 明天又要返學呢!