17/10/15

17/10/15   SAT   HOT

今日都係要揍子元去體操啦, 柏仲一早醒咗, 後來我都冇理佢, 老公好似出咗廳瞓住咁睇住佢, 我再醒時8點有多, 馬上起身出去啦, 時間剛剛好, 去到先買個包比子元食, 我就買粥返公司食! 喺公司都係做吓私務啦, 柏仲12點幾上嚟, 玩一陣就走, 買埋lunch, 佢喺車就瞓咗, 咁我抱佢落車啦, 可能冇為意跌咗隻鞋, 好在嗰對涼鞋都殘, 唯有買過對囉! 柏仲瞓咗我就食晏hea吓睇吓電視打吓機啦, 難得休息吓! 等佢醒咗就食飯團, 之後就陪佢玩吓, 基本上都唔洗諗同佢玩咩, 佢會自己搵嘢同你玩, 媽到你暈! 約咗子慧敏瑩去新都會食飯架, 不過程太攰得滯起唔到身, 所以冇出嚟, 咁得我地同子慧, 佢地兩個真係好火星撞地球架, 子元有時又係衰成日撩子慧, 所以食完嘢, 買咗鞋比柏仲, 去食埋甜品就打的返去啦! 返到去沖涼瞓覺, 明天又要起身畫班!