21/10/15

21/10/15   WED   WARM*

今日重陽節, 放假一天, 唔洗學嘢但要溫書! 朝早柏仲又係一早起身, 不過比我地局咗佢上床玩唔准出廳, 到7點幾子元入埋嚟, 比佢玩陣就全部出哂去, 8幾多老公叫起身, 出去食早餐啦, 再去惠康shopping, 一來買埋餸, 二來買吓日用品, 有貨車運返去嘛! 返到去休息吓要開始溫書啦, 先係溫中文啦, 明天進評嘛, 成日以為自己識, 但根本就未識, 基本叫佢要記哂嗰八個不供詞填充已經記唔到, 跟住做卷又亂哂龍, 唉! 到英文時, 又話識D生字啦, 到默時又係錯哂, 教佢又唔用心聽, 咪激到我火起囉, 我話你係咁唔好去踢波, 咁又喊啦! 喊我又仲火, 阿燥上身呀! 最後我話你抄完錯嗰D後再溫, 識先可以出去, 咁都叫做免強識啦, 我影咗默書內容, 話咗等食飯呀嗰D時間要繼續溫! 咁就快手執嘢出門口囉, 由於太快所以都執漏好多嘢, 我自己又冇衫換, 柏仲又冇, 好在佢個袋有套spare咋, 巾就用子元嗰條一齊抺囉! 踢波兩個鐘入面有一個鐘我帶咗柏仲去隔離遊樂場玩, 佢不停重覆同一條路線上去…滑梯, 我又要保佢安全, 真係辛苦死我, 最後踢到5點走啦, 換好衫去荃灣, 約咗嫲嫲同大包食晚飯, 去咗牛涮鍋, 都要等吓位啦, 食個半鐘其實要柏仲坐咁耐都唔掂, 初頭食嘢都OK, 但食飽就唔肯啦, 攞雪糕又定一輪, 最後要出到HI5先掂, 捱到食完囉! 最後去埋AEON睇吓玩具買吓嘢咁就走啦, 返去沖好涼柏仲已暈, 子元就踢先肯去瞓, 激死!