25/10/15

25/10/15   SUN   WARM

今朝柏仲又係咁早, 真係好辛苦, 好在子元7點幾起咗身, 喺廳睇住柏仲, 咁我地叫做可以瞓到8點, 起身去畫班啦, 然後食早餐, 行吓街, 去買番把遮比子元, 做特價$23咋! 但陸生又買玩具比柏仲, $40+呢! 不過算啦柏仲D玩具都係二手, 買少少比佢都唔過份! 之後去接番子元回家就溫書, 其實都係溫到今個星期教嗰D, 都未溫到小考! 佢又要去踢波啦, 柏仲瞓緊我都係hea吓, 到佢醒咗就比D嘢佢食, 但佢都係想飲奶, 最終飲完奶到老公買飯回來時又唔願食, 正衰人! 休息完要溫書啦, 其實我已經冇電, 溫咗陣常識, 子元話popo, 我就走咗上佢張床瞓, 真係瞓咗再溫唔到, 瞓到6點多, 老公去踢波局住要起身啦, 出到廳見到一地都係玩具, 真係人都顛, 先要執咗再諗食咩, 都係叫pizza算, 不過見自取8折喎, 梗係行出去攞啦! 回來食完抖吓就沖涼啦, 子元食咗半個pizza, 沖涼時見佢個肚腩仔好好笑! K.O.咗柏仲, 叫子元溫吓數, 等我沖埋涼就對數改正吓囉, 不過條友近來冇咩心機, 唔係辦法, 要諗吓點建立番個學習態度! K.O.埋佢我終於可以抖吓, 不一會老公都返啦, 佢食埋嘢睇吓電視, 12點多就瞓!