12/10/15

12/10/15   MON   COOL

今日又要返工返學啦, 鬧鐘響得我一個醒, 又要捉笨元起身, 臨出門口柏仲走咗出廳, 快手同佢換片出門口囉, 落到去都有D趕架, 點知喺後門門口見到有個校車同學仔跌到, 家長們幫佢清潔貼膠布! 行到去校車剛到, 送咗哥哥校車, 柏仲就返上去食奶, 然後入嫲嫲到! 我就返工買早餐啦, 返到去都係冇咩mood開工, 可能真係老細唔喺到, 完全咩都唔想做! Hea住咁做吓嘢又過咗一朝, 午飯都係食飯睇電視啦, 下午吹吓水做吓嘢咁又放工啦, 返去接咗笨元就返屋企啦, 可以正常運作咁過個晚上, 9點前做好哂嘢先K.O.咗柏仲, 就再對付子元, 對功課溫習, 10點前已經上到床瞓啦, 我仲要摺衫, 10點幾先可以坐落個梳化攤吓, 11點幾又眼瞓到死啦!