3/10/15

3/10/15   SAT   HOT

今朝要揍子元去學體操, 所以都要早少少起身, 仲要的埋隻笨起身, 過到去剛9點, 揍咗佢又到我返工, 去咗買粥返公司食, 返到去都係做吓自己嘢啦, 12點幾柏仲上嚟, 當然又要搞搞震啦, 1點走人, 去買午餐再返屋企, 今日佢又唔瞓啦喎, 於是返去咪一齊食埋嘢先囉, 跟住就捉佢入房瞓, 噯咗一陣啦, 出番嚟又開工做家務摺衫等等, 休息得一陣柏仲就醒, 咪陪佢玩吓囉! 子元踢完波打埋乒乓球先返, 因為未做哂功課, 所以要佢快手做, 因為晚上又要入沙田食飯, 結果搞到6點多先出到門口, 入得去都7點幾, 勁唔好意思囉要人等, 食完hea陣都走啦, 柏仲變咗樹熊, 淨係痴住我地, 最多係比婆婆抱咋, 真係嗲到不得了! 返到屋企都攰啦, 快手瞓覺! 子元就要睇哂雷神先瞓, 又12點!