4/10/15

4/10/15   SUN   RAIN  3號風球

今朝都係要一早起身架啦, 柏仲算係咁, 7點幾先醒, 都差不多要起身, 叫醒子元去畫班啦, 趕得到8:30車, 落到樓勁大風囉, 仲以為8號風球咋, 送咗佢地去畫班我地就食早餐, 今日坐耐D啦因為落雨, 之後都係去咗元洲商場行吓, 夠鐘就去接佢地, 講好咗今晚去敏瑩屋企玩架, 所以返去要快D溫書, 由於子元1點要踢波, 所以要快D溫, 佢一般合作啦, 中默都係未夠熟, 要踢完波返嚟再溫, Daddy哄咗柏仲瞓, 咁我可以閒一陣, 佢地買埋飯返來我地食, 柏仲瞓得嗰個幾鐘, 又要陪佢玩吓食吓嘢咁, 3點幾老公返到嚟, 可以食嘢啦! 食完嘢再溫吓書就去敏瑩屋企啦, 不過先去Aeon shopping, 老公買到for子元用嗰個轉轉啦, 咪買咗比佢囉, 又去12蚊店再買, 都係一路想要買嗰D啦, 最後去埋超市買壽司食, 三百幾蚊食到你飽, 返上去食完嘢就玩啦, 都玩到10點半先走呀, 但明天要返學嘛, 返去沖涼瞓覺都11點幾囉!