23/10/15

23/10/15   FRI   WARM

今日又係如常咁返工返學啦, 柏仲鬧鐘未響已經嘈啦, 等我想瞓多陣都唔得! 揍咗子元返學就返上樓摺埋D衫, 再送柏仲入去嫲嫲到, 我就買早餐返工啦, 都係吹水上網多啦, 間中都要做吓公事GE, 午飯後要去買鵝肝, 老公話今晚想食, 但又要我去買GE, 搞到我冇得睇奇皇后! 買完返去都差不多做完囉, 可惡! 下午都係hea吓又做吓公事咁啦, 食埋個tea就放工, 返屋企整定D餸先, 跟住又出去揍子元去游水啦, 老公見差不多時間, 就走咗嚟泳池門口等我地呢! 一齊返到去, 等佢地沖好涼, 我就整住餸先, 整到差不多先再沖, Gloria揍咗3隻馬騮上嚟, 快手沖好涼食飯啦, 今日都算快喎, 9點半已可以洗好碗, hea吓吹吓水咁, 10點半就要佢地收嘢啦, 今日都算合作, 所以笨元11點都已經可以瞓, 不過咁啱做新聞就叫佢睇一陣先, 我地都攰啦, 11點幾都瞓啦!