7/10/15

7/10/15   WED   RAIN

今日都係如常返工返學啦, 老公竟然一早醒咗餵埋柏仲食喉棗, 可能佢知今晚好夜返冇得見個囝, 今朝要起身望吓先, 返上樓就等嫲嫲call先落樓去酒樓啦, 今日要嫲嫲出嚟揍, 飲個早茶先返工啦, 今日勁hea囉完全冇咩好做, 吹水睇嘢咁囉! 午飯後都係睇吓電視囉, 子慧媽去開AEON, 都幫我買咗我想要嗰個Snoopy袋, 百幾蚊啫, 我呢個返工袋都用咗咁耐, 換大個D都需要! 下午仲悶, 完全望住個鐘等收工! 終於走得啦, 返去接笨元前, 又要買肉又要買煲, 一袋二袋咁, 跟手仲要買奶粉, 點知近呢間藥房冇喎, 又要走去遠嗰間! 返到屋企都係沖涼啦, 奶奶煮飯我就陪位兩隻細, 整咗個to do list比子元跟住做, 希望幫到佢啦! 食完飯又係奶奶洗碗我陪仔, 佢話寧願對住D碗喎, 冇咁辛苦! 抺埋個地就K.O.柏仲, 之後就陪吓子元啦! 9點幾佢都瞓埋啦, 我就hea吓睇電視, 老公10點多就返到嚟, 比預期中早呢, 不過明晚都係要夜返, 因為要踢波!