30/9/17

30/9/17   SAT   HOT

星期六要返工, 都係返嚟hea, 朝早忙亂地去銀行等等, 9點幾先買早餐返去食, 都係做吓自己嘢吹吓水hea吓啦! 放工前兩隻嘢上咗嚟一陣, 快手落番去啦, 子元2點要田徑, 快手食完KFC就過去, 老公要去睇吓幫舊同事處理裝修嗰間屋, 子元就田徑, 我就帶咗仲仲去隔離泳池玩水, 前前後後玩咗個幾鐘, 好在有室內又人少, 佢又同個差不多年紀的小朋友一齊玩, 其實只係亙相學大家做嘢, 不過仲仲原來都係幾主動, 都係人地學佢! 玩到3點9真係要走啦, 只係沖身換衫就算啦, 返到去子元又要去游水, 等佢游完水我地先出街, 只係去咗荃灣, 老公要去一田買嘢, 喺foodcourt食埋晚飯睇陣玩具都9點幾, 又要返屋企啦!

29/9/17

29/9/17   FRI   HOT

今朝仲仲起身後除哂衫又係到扮琴晚愛回家個人, 唉…點解佢咁鍾意除衫GE呢! 揍咗子元返學我地就返上去快手搞掂出門口, happy Friday出去食早餐, 著住套華服的仲爺好可愛囉, 渣緊車入去時仲要見到彩虹呀, 睇得我地幾開心! 揍佢上學校時, 陳副校話仲仲好搞笑, 嗰日同佢講早晨, 跟住仲爺竟然向陳副校扮雞仔叫, 因為D鬧鐘係咁叫喎, 真係比佢激死! 返到公司都係開吓會做吓嘢啦, 午飯後都係睇吓電視食吓生果月餅咁啦! 下午老細全部返哂嚟, 放工都唔願走, 唔理得咁多啦, 我地都準時走先! 返去先去惠康買嘢, 跟住就執紙箱囉, 老公6點幾就叫我落去, 因為仲爺瞓咗, 但我話我執緊嘢唔落去住, 7點幾先落去, 過小童接笨元, 送埋程生返去我地就去北海道晚飯, 老公跟住去踼波, 我就同佢兩個返屋, 沖好涼叫佢地做功課, 我就執住嘢先囉, 不過兩個都麻麻地合作, 係要我出聲發難先靜靜合作! 10點多K.O.咗仲爺, 子元做多陣都瞓, 我沖埋涼都睇電視, 老公差不多12點先返到, 仲買咗糖水, 等埋佢先瞓!

28/9/17

28/9/17   THU   HOT

今朝仲爺又激到我眼火爆! 要換衫唔換衫, 要出門口唔出, 又令到我發顛啦! 終於搞掂哂佢地返學啦, 而家唔洗趕接更揍婷婷入去, 真係輕鬆好多! 返到去又唔洗開會咁, 吹吓水咁, 老細因為約咗銀行所以都一早返咗嚟, 不過佢有佢開會, 唔洗理佢! 午飯後睇吓電視咁啦, 下午老細返咗, 但佢又同佢D愛將開會, 所以都冇理我地, 放工我就閃啦, 買埋餸去揍笨元, 返去就係煮飯囉, 今日試吓蒸焗爐的新功能, 不過老公之後去踢波所以都食得少, 食完飯叫笨元執碗, 呢D家務應該要學識架啦, 咁佢都做得幾好! 仲爺明天中秋活動, 咁唔趕做功課住啦, 搞掂笨元嗰D先, 10點前K.O.哂佢地去沖涼, 跟住仲要摺衫同執嘢, 老公搬咗好多嘢返嚟, 不過有D都會直入床下底架啦! 老公踢完波返嚟都12點, 等佢沖埋涼hea陣瞓都1點啦!

27/9/17

27/9/17   WED   HOT*

今日仲爺瞓到我揍咗子元上校車佢先醒, 時間即刻好用好多! 叫醒佢地起身, 因為仲仲今日學校參觀活動在下午, 所以早上只係入嫲嫲到, 咁梗係老公揍佢入去啦, 我咪執拾吓我個床頭櫃囉, 放我D陳封咗GE漫畫上去, 點知差不多諗住出門口時老公打嚟, 話cube cube冇電開唔到車, 找過江龍又冇, 佢叫我揍仲仲入去, 佢就去買電池換, 真係比佢打亂哂! 結果我又要遲返, 撘巴士揍仲爺入去囉, 老公話仲仲好擔心cube cube, 真係比佢笑死! 揍完返得公司都10點, 都係做吓嘢等食飯咁啦, 老細今日又唔返, Free好多! 食完午飯試吓玩部新咖啡機, 有新嘢玩點都好GE! 下午都係吓公事囉, 4點幾閃人去咗太子攞帖, 原來200張都幾喺重, 偷偷地攞番公司再出去接笨元, 因為今日有10樣功課, 點知笨元話佢差8題數未做咋喎, 咁咪好囉, 早D返去溫默書, 開始要放手比佢自己處理默書, 返去沖個涼就煮飯煲湯, 可以早D食飯, 因為我今日有好多功課, 仲爺有4樣, 佢愈來愈進步唔洗做咁耐, 跟住又要對笨元的功課, 做好哂所有嘢都10點幾, 先發現我冇抺地, 一日半日算啦! 沖涼後摺埋衫休息啦, 睇埋劇就瞓覺!

26/9/17

26/9/17   TUE   HOT

仲爺琴晚半夜比自己個robie鬧鐘嚇醒咗, 所以今朝都冇一早起身, 揍哂佢地返學就返工啦, 今日唔洗開會就買個細細地GE早餐食啦, 跟住都係做吓公事做吓自己嘢啦, 老細有老細佢地開會開飽佢, 午飯後都係睇吓電視囉, 下午都係做吓公事啦, 都真係有嘢做GE, 放工都遲咗閃呀! 返去接笨元就直接去荃灣剪頭髮, 食住魚蛋等, 仲仲嚟到就佢剪咗先, 今次真係估佢唔到, 佢竟然自己說服自己, 話大個仔唔會喊, 佢又真係做得到喎! 唔知關唔關老公同嫲嫲都唔喺入面事, 因為人多佢地企咗喺出面嘛, 好乖咁剪完我同嫲嫲就揍咗佢去車先, 等子元同老公剪埋就去食嘢, 去咗食泰國嘢, 大包去攞位先呢! 食完送佢地返去時仲爺已經瞓咗, 返到屋企都繼續, 由得佢唔沖涼就瞓啦! 笨元就要做埋功課先, 11點多先瞓呢!

 

 

 

 

25/9/17

25/9/17   MON   HOT

今日又要返工返學, 仲爺朝早未起身, 唔洗理佢幾快手落到樓, 返上嚟叫兩位大爺起身食早餐出門口啦! 返到去就寫番哂幾日的日記啦, 又要開會咁, 又食吓生果咁囉! 開完會老細閃哂, 咁食飯時就可以慢慢睇吓電視咁囉, 下午都係做吓自己嘢啦, 放工快手跑去揍笨元, 買埋餸返去煮飯, 笨元今日好乖咁沖完涼溫習做功課, 不過食完飯佢就話肚痛, 到我幫仲爺做功課時, 我聽到佢好努力咁溫緊默書架, 但之後出來再話好唔舒服, 摸吓額頭真係有燒, 好在上次有買到退燒藥, 差D走咗落去買架啦! 食咗藥, 快D刷牙瞓覺, 佢係好快瞓著, 但出到成頭汗, 濕到呢…快用毛巾幫佢墊住囉, 身又冇汗喎淨係頭出, 希望出哂汗就冇事! 仲爺今日做功課都分心架, 同埋一定要我伴住佢做, 真係好sai時間架, 但佢都係初起步咁做, 都要伴吓先啦! K.O.哂佢地再沖涼都10點幾, 邊摺衫邊睇電視, 12點多就瞓囉!

24/9/17

24/9/17   SUN   HOT

今朝7點幾又比仲爺嘈醒, 所以9點未夠我都起身, 梳洗吓叫佢地執好屋, 對埋笨元的功課, 10點幾出門口, 先揍子元去打鼓, 我地快食個早餐, 跟住就返屋企笨元要溫書, 唔覺唔覺都溫個幾兩個鐘先叫做免強溫哂, 仲要未溫到默書! 但已經2點多, 大家都肚餓, 於是出去食嘢囉, 諗住近近地睇吓附近有咩地方好玩, 點知開咗車一陣仲爺就瞓咗, 咁就去遠D等佢瞓吓, 咁就去咗西貢啦! 泊好車仲爺醒咗, 佢都好驚訝去咗邊咁, 先去食車仔麵, 跟住就去咗遊樂場玩咗陣, 然後去食吓嘢行吓海邊玩吓狗, 差不多5點就行返去攞車, 入青衣搵嫲嫲食晚飯, 因為子元想食壽司, 所以等高速線等到8點先食得呢! 食完返去子元仲要趕視藝, 佢仲夠膽話係我冇買畫具比佢, 真係博鬧喎!