6/9/17

6/9/17   WED   HOT

今日叫做好D啦, 只係有D眼瞓同頭痛囉, 因為飲唔到咖啡嘛! 朝早揍咗笨元就返上去叫兩位大爺起身返工返學啦, 買埋早餐仲爺慢慢食, 今日趕得切8:30前啦, 買個包返公司食, 但都係冇咩胃口, 又眼瞓又要支持住唔瞓真係好攞命, 冇咩食嘢連POPO都唔洗去, 好辛苦先捱到午飯, 食碗粥都食得好慢, 食完就瞓餐覺先, 下午覺得時間過得好慢, 真係好慢好慢, 可能我太想放工, 因為個頭真係好痛, 痛到咩都唔想做, 臨放工前叫做好DD! 返去接笨元, 因為要攞番D碗碟返去, 所以要等老公來接我地, 嫲嫲又打嚟問我地返到未, 原來佢約咗人睇大戲又唔出聲, 趕到返去佢就即刻出門口, 我地自己食粉食粥, 食完就走啦, 返去快手叫佢地沖涼跟住睇功課, 好在學期頭我都仲頂得住, 真係上哂軌道時唔知我咁兩邊走掂唔掂! 雖然10點已趕哂佢地入房, 但兩個來來回回不停出嚟話瞓唔著真係好煩! 暑假若的禍, 日日都11點幾先瞓, 都唔知要幾耐先調節番! 最終11點多先叫做停止, 我就只係可以摺好衫, 攞咗D碗碟番嚟都未有時間執! 好攰啦, 12點已經瞓!