1/9/17

1/9/17   FRI   HOT

話咁快暑假又放完啦, 笨元先開學, 仲爺要下星期二! 朝早7點要起身啦, 叫醒少爺落樓撘校車, 臨上車前先醒起未影開學相, 所以叫佢比我快影一張先, 唔係冇相放FB呀! 跟住同loletta吹水囉, 吹吹吓見到另一個家長, 佢個升中一啦, 又吹一輪, 差不多8點先返上樓! 叫醒老公佢有佢出門口, 我有我hea住煮個通粉睇埋星星先出門口返工! 今日都算OK啦, 我都係唔啱太忙, 哈哈! 午飯去咗買飯食, 老細不在食完hea吓幾自在! 下午都係做吓公事做吓自己嘢啦, 放工就返去接笨元, 婆婆又有投訴咁啦! 返咗屋企放低嘢, 老公就嚟到接我地, 去咗愉景新城食嘢, 本來想食西餐, 但因為要等位, 所以去咗食日本嘢, 佢兩隻嘢都算合作啦, 食完老公帶佢地上去夾公仔先啦, 點知打比我求救, 因為仲爺賴咗POPO, 結果佢去攞褲換, 我就帶仲仲入廁所處理吓先囉, 最終咪疴咗3大舊囉, 掛住玩就屎都唔疴, 死未! 今日掟彩虹子元好勁, 加埋上次嗰D飛仔, 比佢換到隻錶呢! 揍咗嫲嫲同仲仲返青衣, 又搬少少嘢返去, 不過今晚只係執咗仲爺一個箱咋, 明天繼續, 沖好涼又要處理笨元的回條, 夠哂忙, 摺埋衫點幾先瞓, 老公就一早瞓鬼咗, 可惡!