15/9/17

15/9/17   FRI   HOT

今朝起身笨元已經換好衫, 佢話好早醒咗喎, 冇幾耐仲爺都醒埋, 咁咪快手出門口揍哥哥返學囉! 今日都算順暢, 跟埋程生佢地入學校! 食埋早餐返工啦, 今日最後一日食豐富早餐, 下星期要食番朱古力波波啦! 返到公司都係要開吓會咁啦, 話咁快又食午飯啦, 食完睇吓電視咁, 下午都係做吓嘢, 老細下星期返, 快樂GE時光過得特別快! 食埋TEA就放工去接笨元啦, 等程生嚟車我地過小童合唱團, 然後我就去街市買番D雞蛋, 仲買咗西瓜, 天氣咁熱食呢D就最正! 返去等老公揍埋仲爺返嚟, 就出小童接子元啦, 仲要車埋敏瑩返一號西九, 跟住就返美孚食晚飯! 今晚老公喺美孚踢波, 我地跟埋一齊去, 等佢地放吓電嘛, 9點多開波, 但我要睇住佢地唔搞事都真係幾煩! 9點幾10點我揍仲爺回家先啦, 佢終於知攰, 但我就要抬埋佢架板車行返去都幾喺嘢! 事前同佢講咗, 返去沖涼食西瓜就刷牙瞓覺, 咁佢又好合作, 係要求要食3粒西瓜啫, 咁咪比佢囉, 講埋故事K.O.咗佢我就可以沖涼, 之後摺埋衫嗰兩父子仲未返! 所以笨元返到嚟已經攰到冇哂力, 快手沖涼瞓咗, 我都頂唔順, 不為意已經12點幾1點, 我瞓先!