8/9/17

8/9/17   FRI   HOT

今日下午請咗假, 所以朝早要快D做好嘢呢! 朝早如常揍哂兩個返學啦, 食埋早餐返工, 都係要開吓會咁啦, 期待著放工呢, 老公嚟接我, 去學校揍笨元出嚟食飯, 近近地去AEON食COCO咋, 但都係好多人要排, 終於2點多送番笨元入去, 我地就快手返屋企鑽嘢整嘢, 但只係快整咋, 因為其實2點幾要聽talk架, 不過呢個talk真係好悶, 所以只想主要去聽課室嗰個, 3點幾去到hall, 都係咁二出席吓, 就轉去課室啦, 子元真係幾好運, 班主任老師等都唔係麻煩人, 仲要幾唔錯添, 係常識又係上年嗰條友囉, 睇怕都係我自己教番架啦! 問吓班主任關於田徑D嘢, 交代吓笨元學習上的情況, 佢又唔係好覺子元琴日冇食藥喎, 即係慢慢都有D進步緊掛! 搞掂就接番笨元回家, 又執吓嘢, 諗住今晚可能要接番仲爺返嚟瞓架嘛, 所以都要抺一抺! 跟住就出去準備睇克勤演唱會啦, 渣得車過去找地方食嘢, 然後去對面商場行咗就入場, 個位唔錯啦, $480嚟講算係咁, 舞台變化亦都好多, 歌梗係好聽, 嘉賓仲要係難得一見的Sally Yip, 有氣氛唔錯! 睇到11點幾, 嫲嫲話仲爺瞓咗, 唔洗入嚟接佢, 笨元都頂唔住喺車瞓咗, 我地就去咗深水涉快食個宵夜, 笨元繼續喺車瞓, 食完返去快手沖涼瞓覺, 好攰!