29/9/17

29/9/17   FRI   HOT

今朝仲仲起身後除哂衫又係到扮琴晚愛回家個人, 唉…點解佢咁鍾意除衫GE呢! 揍咗子元返學我地就返上去快手搞掂出門口, happy Friday出去食早餐, 著住套華服的仲爺好可愛囉, 渣緊車入去時仲要見到彩虹呀, 睇得我地幾開心! 揍佢上學校時, 陳副校話仲仲好搞笑, 嗰日同佢講早晨, 跟住仲爺竟然向陳副校扮雞仔叫, 因為D鬧鐘係咁叫喎, 真係比佢激死! 返到公司都係開吓會做吓嘢啦, 午飯後都係睇吓電視食吓生果月餅咁啦! 下午老細全部返哂嚟, 放工都唔願走, 唔理得咁多啦, 我地都準時走先! 返去先去惠康買嘢, 跟住就執紙箱囉, 老公6點幾就叫我落去, 因為仲爺瞓咗, 但我話我執緊嘢唔落去住, 7點幾先落去, 過小童接笨元, 送埋程生返去我地就去北海道晚飯, 老公跟住去踼波, 我就同佢兩個返屋, 沖好涼叫佢地做功課, 我就執住嘢先囉, 不過兩個都麻麻地合作, 係要我出聲發難先靜靜合作! 10點多K.O.咗仲爺, 子元做多陣都瞓, 我沖埋涼都睇電視, 老公差不多12點先返到, 仲買咗糖水, 等埋佢先瞓!