20/9/17

20/9/17   WED   HOT

今朝仲爺又除唔切褲去廁所, 我一早起身就要拖地等等, 快手搞掂出門口啦唔該! 食埋早餐出門口, 今朝婷婷做服務生, 所以我就自己排隊好D! 今日返到公司都係開完會做吓自己嘢啦, 朝早老細唔係到嘛, 梗係自由吓先! 午飯後去咗AEON Shopping, 買咗$110但有好多嘢, 好滿足呀! 下午回來都係做吓自己嘢啦, 老細又冇過嚟嘈住哂, 所以都好快過! 放工快跑過去學校接笨元返屋企, 等老公嚟接我地, 出荃灣我要交費, 佢要買工褲, 食埋飯就返去荔枝角間AEON買蒸焗爐, 折完分埋期每月先$170, 抵啦! 送埋嫲嫲返屋企, 我地返到去都10點多, 要快手K.O.佢地仲要做埋D功課, 真係夠哂攞命! 11點多我先可以沖涼, 摺埋衫沖埋涼就可以打吓機, 差不多1點先瞓!