17/9/17

17/9/17   SUN   HOT

今朝7點幾8點又聽到佢地喺廳嘈, 其實星期日比我瞓到9點得架啦, 我唔貪心, 係仲爺衰GE啫成日搗亂, 笨元唔嘈因為睇電視嘛, 係唔識做功課囉! 終於我起身後又要鬧一餐先得囉! 收拾梳洗好出去食早餐, 然後揍子元去打鼓, 得嗰半個鐘都唔知去邊, 於是去咗AEON買餸, 今晚公踢波得我同佢兩個食! 買完揍番笨元回家, 快手叫佢做埋D練習, 12點半又要出去踢波, 叫老公唔洗出去, 快D整吓屋D嘢, 我揍佢兩個慢慢去, 又比仲爺去玩吓遊樂場囉, 回來對吓功課, 2點幾又要出去接番子元, 真係想去吓街, 要買鹽糖樽, 所以去咗荃灣快行, 5點多返到去, 老公就去咗踢波啦, 我都唔知自己嗰幾個鐘點頂, 最主要係仲爺搞家, 但我都唔理得咁多啦, 總之冇大破壞就得啦, 笨元就改功課, 到咁上吓佢兩個玩啦, 我煮到7點幾食得啦, 新廚房設備, D嘢又唔齊, 又兩個幾月冇煮過飯, 係咁上吓啦! 食完洗碗執嘢, 我要執好埋佢地D玩具, 重組番哂! 叫佢地去沖涼, 我就吸塵抺地, K.O.埋仲爺瞓覺, 我可以沖涼, 老公已經返咗, 但我都攰到冇理佢, 沖好涼快幫子元溫一溫中文同英文, 時間關係數常明天補溫! 我已經進入低電量狀態, 衫都冇摺就瞓, 點知仲爺半夜走入嚟, 發現佢開哂燈, 咁比佢嘈一嘈又瞓得好差啦, 朝早問番先知佢係VV囉, 頂…你V完可以照瞓架仔, 唔洗叫我架!