12/9/17

12/9/17   TUE   HOT

今日如常咁趕返學啦, 朝早開始要整飯, 6:45要起身, 今日只係蒸番熱都好D, 笨元起咗身就一齊落樓啦, 又係趕頭趕命咁! 揍埋仲仲返學就食早餐返工, 老公今日放假, 因為笨元今晚覆診, 咁佢順手整吓嘢啦! 午飯後都係睇吓電視, 下午繼續做自己嘢等收工, 因為5:30要過到紅磡所以早咗半個鐘閃, 準時去到睇, 都係講番子元暑假的情況, 林醫生都覺得佢問題不大有進步, 但衝動就真係要等佢慢慢大先可以改善到, 咁樣睇一睇計埋藥又差不多6K, 真係搵埋都唔夠佢洗! 喺番商場食咗晚飯就回家, 本來諗住放下仲爺張消防床板就去接佢, 但間屋真係整到好亂, 又想整埋張床先, 於是整到9點幾老公先去接番仲仲, 我地就收拾好沖埋涼仲爺先返到! 當然要拍下佢見到消防床個樣啦, 佢真係開心到唔識形容, 又唔捨得瞓喎, 真係K.O.咗佢啦, 摺好衫抖一抖我都瞓, 點知半夜聽到叫喊聲, 原來仲爺走咗出廳, 最終都要出去打救佢, 抱番佢入房!