28/9/17

28/9/17   THU   HOT

今朝仲爺又激到我眼火爆! 要換衫唔換衫, 要出門口唔出, 又令到我發顛啦! 終於搞掂哂佢地返學啦, 而家唔洗趕接更揍婷婷入去, 真係輕鬆好多! 返到去又唔洗開會咁, 吹吓水咁, 老細因為約咗銀行所以都一早返咗嚟, 不過佢有佢開會, 唔洗理佢! 午飯後睇吓電視咁啦, 下午老細返咗, 但佢又同佢D愛將開會, 所以都冇理我地, 放工我就閃啦, 買埋餸去揍笨元, 返去就係煮飯囉, 今日試吓蒸焗爐的新功能, 不過老公之後去踢波所以都食得少, 食完飯叫笨元執碗, 呢D家務應該要學識架啦, 咁佢都做得幾好! 仲爺明天中秋活動, 咁唔趕做功課住啦, 搞掂笨元嗰D先, 10點前K.O.哂佢地去沖涼, 跟住仲要摺衫同執嘢, 老公搬咗好多嘢返嚟, 不過有D都會直入床下底架啦! 老公踢完波返嚟都12點, 等佢沖埋涼hea陣瞓都1點啦!