13/9/17

13/9/17   WED   HOT

今日如常返學啦, 朝早冇咁趕落樓, 但都係要叫佢快快快! 搞掂出門口去到學校仲可以同程生佢地吹吓水, 返到公司都係做吓公事做吓私事囉, 午飯得好少烏冬, 所以買多舊飯襯吓! 睇吓電視HEA吓又要開工, 都有嘢做架! 放工馬上去揍子元, 真係跑過去嗰隻, 用咗5分鐘唔洗就跑到, 攞埋衫比佢換, 就直接入青衣, 入去見到仲爺佢淨係叫我陪佢玩, 我都明佢呢個年紀係應該玩, 但食飯時真係要食飯架嘛, 食又食得衰, 唉…捱埋呢幾日啦, 我都要快D返去set好個架部煮飯, 咁先可以回復原狀! 食完飯返去啦, 老公約咗人食飯嘛, 我就要自己揍佢兩個撘巴士返去囉, 只撘到42A又要慢慢行入去, 返得去都差不多8點多, 捉佢地沖涼先啦, 8點幾老公都返咗嚟, 唔理得佢咁多住, 沖好涼就同仲爺做功課, 我終於明D人講寫幾隻字好似拉鋸戰咁係點, 我覺得呢條友絕對喺到練緊我EQ, 佢三大問題係渣筆唔好, 寫姿唔好, 態度唔好! 做做吓又要疴屎…真係懶人多屎尿! 佢係要再花多D時間, 冇話教唔到GE, 方法啫! 終於做好咗功課貼埋貼紙就比佢休息吓, 跟住就要刷牙瞓覺, 可能冇瞓晏覺, 所以都冇走出嚟, 我就邊睇住大結局邊對埋子元D功課, 慢慢要佢自動波啦, 到時我地早返到屋企可以快手處理咗佢先, 再等仲爺回來就對付佢!