9/9/17

9/9/17   SAT   HOT  RAIN

今日8點就要起身, 揍子元去學英文, 然後入去接番仲爺就食早餐, 跟住要揍番笨元啦再去畫室, 跟住返咗屋企教仲仲做功課, 星期五有4樣對呢個唔鍾意做功課GE人嚟講都真係幾多, 所以先做咗中文嗰兩樣, 叫佢寫字真係艱難, 又未夠空間感, 唔知喺個格邊到開始寫到邊咁! 幾經辛苦做好咗, 又要出去接番哥哥放畫班, 又要趕下場啦, 附近食咗午飯就揍子元去運動場田徑, 要去到斧山呢, 等佢找到阿sir就可以閃, 去咗Mega box IKEA問關於廚房燈, 最終都係要買過, 問問佢個玩具廚房有冇貨, 真係返咗喎, 咪買埋囉, 反正老公好堅持要買! 行多陣提貨就去接子元啦, 又有下場…佢星期六係課外活動日, 5點返去游水, 佢已經可以自己落樓去泳池, 同黃sir講聲就得, 我就繼續同仲仲做功課, 老公就砌吓嘢啦, 因為8點有波踢, 我就帶住仲爺去揍笨元, 近近地香港地食晚飯就回家, 等佢地仲好涼, 10點前K.O.咗仲仲, 哥哥繼續睇蟻俠, 老公買埋糖水返嚟食, 仲要砌埋個廚房囉, 砌到點幾呢, 搬埋入仲爺房先瞓!