27/9/17

27/9/17   WED   HOT*

今日仲爺瞓到我揍咗子元上校車佢先醒, 時間即刻好用好多! 叫醒佢地起身, 因為仲仲今日學校參觀活動在下午, 所以早上只係入嫲嫲到, 咁梗係老公揍佢入去啦, 我咪執拾吓我個床頭櫃囉, 放我D陳封咗GE漫畫上去, 點知差不多諗住出門口時老公打嚟, 話cube cube冇電開唔到車, 找過江龍又冇, 佢叫我揍仲仲入去, 佢就去買電池換, 真係比佢打亂哂! 結果我又要遲返, 撘巴士揍仲爺入去囉, 老公話仲仲好擔心cube cube, 真係比佢笑死! 揍完返得公司都10點, 都係做吓嘢等食飯咁啦, 老細今日又唔返, Free好多! 食完午飯試吓玩部新咖啡機, 有新嘢玩點都好GE! 下午都係吓公事囉, 4點幾閃人去咗太子攞帖, 原來200張都幾喺重, 偷偷地攞番公司再出去接笨元, 因為今日有10樣功課, 點知笨元話佢差8題數未做咋喎, 咁咪好囉, 早D返去溫默書, 開始要放手比佢自己處理默書, 返去沖個涼就煮飯煲湯, 可以早D食飯, 因為我今日有好多功課, 仲爺有4樣, 佢愈來愈進步唔洗做咁耐, 跟住又要對笨元的功課, 做好哂所有嘢都10點幾, 先發現我冇抺地, 一日半日算啦! 沖涼後摺埋衫休息啦, 睇埋劇就瞓覺!