5/9/17

5/9/17   TUE   RAIN

今日真係好辛苦, 早知攞多日病假啦, 因為冇咗粒止瀉藥, 今日疴咗十幾廿次, 又食唔到嘢, 個人軟哂! 朝早本來都OK, 但好快開始已經肚痛! 揍仲爺返學時又勁大雨好狼狽呢, 仲要著錯運動服, 遲咗又唔記影相, 好在入課室前補影得切! 順利揍咗佢入去我就返工啦, 但返到去已經開始係咁去廁所, 愈去愈辛苦, 個人又眼瞓, 返到位坐喺到都係瞓, 但又唔可以明瞓喎, 所以都幾辛苦! 終於捱到午飯, 叫做買咗碗粥但都食唔落, 一來係幾難食, 二來超冇胃口, 所以都係瞓吓算, 真係瞓得好冧嗰隻, 下午嗰幾個鐘最難捱, 廁所不停去, 幾想早走! 5點多叫阿媽揍子元過嚟, 等我可以直接返荔欣, 返到去我只係攤喺到, 因為又開始發燒, 用冰袋敷住先, 等老公回來揍我地入青衣晚飯, 我都只係食咗碗粥就去瞓, 但都唔係好瞓得著, 叫做唔好流失咁多能量, 因為返到屋企仲要處理佢地D文件, 點都要支持住, 對功課簽回條, 我點都要做! 捱到佢地入哂課我就沖涼, hea咗陣就瞓都冇理老公啦!