4/9/17

4/9/17   MON   HOT

今日起身已經好辛苦, 但點都要送咗子元落車, 叫佢放學直接返嚟, 幫手照顧吓我! 返上樓再瞓, 8點推醒老公起身返公, 我要再休息, 瞓到9點幾先醒就出去睇醫生, 都係腸胃炎啦! 買咗兩碗白粥一袋麵包2支寶礦力就返去休息, 食D嘢食咗藥抖吓, 抖到1點幾落樓接番笨元, 去買盒飯比佢食, 返上去再休息, 都真係瞓咗半個鐘! 再hea怕真係會愈攰, 於是的起心肝同笨元一齊砌咗個首飾櫃, 原來都唔易架, 都砌咗2個幾鐘呢! 快手抺埋個地等仲仲今晚回歸! 老公嚟到就入青衣接埋佢地食飯, 近近地青衣城, 因為要買返學鞋, 之前買咗嗰對點都搵唔番! 搞得嚟返到去都10點多, 當然要拍下仲爺睇到間新屋新房個樣啦, 佢淨係問張消防車床呢, 未整好呀仔, 等吓啦! 參觀完要沖涼啦, 執得嘢嚟瞓都11點多, 起碼出咗嚟十幾次先叫做瞓到, 我地都12點幾就瞓, 我都係好攰!