3/9/17

3/9/17   SUN   HOT

今朝佢地都好多嘢學, 朝早揍咗子元去畫班, 就入青衣揍仲仲, 點知原來嫲嫲未起身, 於是我上去揍佢囉, 快手搞掂去食早餐, 揍咗仲仲去小童, 又要接番子元去打鼓, 老公趕返去再做吓嘢, 我就留喺商場等佢放先返去, 但其實都唔整得幾多嘢, 12點幾又要去小童接番仲仲, 放番佢入青衣就去MEGA BOX IKEA攞櫃, 塞咗好耐先入到去, 食D嘢先再去IKEA, 行完都睇唔啱D咩, 攞完貨就走, 但又大雨又塞實, 返去都砌唔到嘢鑽唔到牆, 差不多即閃去買燒鵝喎, 仲順手報埋圍棋班, 得番高級組有位, 但佢話都唔會教太深, 咪照報咗囉, $100/10堂咁抵邊到搵! 返去食飯我都有食, 但開始愈來愈唔舒服, 似係腸胃炎! 食完飯都快走啦, 仲爺咪又扭住喊住咁囉, 可憐到佢呢! 返到去我沖完涼嘔完, 飲咗D雙飛人, 都係周身骨痛, hea到11點多真係要瞓啦, 但瞓得好差, 每郁一吓就痛一吓!