19/9/17

19/9/17   TUE   HOT

今日都係趕返學啦, 都唔知幾點叫子元先啱, 成日都咁慢手慢腳! 揍埋仲仲返學就返工啦, 今日老細會返香港, 下午又話返嚟開會喎, 所以把握朝早時間做吓自己嘢, 果然午飯後不久就返嚟, 仲捉咗經理去開會, 真係辛苦哂, 佢地真係開足一個下午, 都傻架, 邊有咁多嘢講呀! 放工返去接笨元, 又要去文具鋪買嘢等等, 返得去都6點幾, 老公今晚又要陪老細食飯, 所以佢揍咗仲仲返嚟就閃, 我就揍住兩隻嘢煮飯囉, 得我地3個食就可以簡單D, 食埋早兩日的通粉, 今次係蕃茄肉丸, 子元食得好開心, 仲爺又係到扭, 不過兩位掛住睇電視太慢又激嬲我啦, 我想8:30可以做沖緊涼嗰part嘛! 洗碗抺地後就同佢地兩個睇功課, 10點前完成哂趕埋上床, 目標完成! 終於可以沖涼, 摺埋衫休息吓打吓機, 老公12點幾先返到嚟呢!