7/9/17

7/9/17   THU   HOT

今日條腸都好得七七八八, 所以試吓正常地食個早餐, 感覺良好! 今朝仲爺又喺哥哥未出門口時起咗身, 所以又要搞掂佢出門口, 咁又趕到甩輥咁囉, 所以佢心情唔多好, 又唔叫人又唔理人! 揍咗佢入學校同書記講埋明晚唔出席簡介會, 食埋早餐返工, 今日有番精神, 做吓公事做吓私事咁, 個魂魄終於返哂嚟, 午飯後吹吓水咁又完咗, 下午無風無險就放工, 返去接笨元返屋企, 再等老公嚟接我地, 入青衣食飯, 食完就回程啦, 慢慢生活上番軌道! 搬埋D嘢上屋企, 睇功課溫習完就比佢兩個玩, Barry攞番哂番喺佢屋企D嘢上嚟, 順手攞埋部ipad去處理, 我就好忙咁處理兩個仔D衫, 仲爺又冇哂白秋褸, 唯有喺床下底攞番子元的出來, 好在已經有啱著GE啫! 又幫子元試埋校服啦, 原來19號就買冬季校服, 好在有人比咗兩套冬運, 咁又買少兩套! 10點幾入哂房瞓, 仲仲今晚出咗嚟幾次啫, 雖然最後嗰次我出咗衣架打咗一吓細細力, 但佢呢條蛇仔係要咁先治到! 望住一屋都係嘢, 嚟緊幾日又有排執啦!