14/9/17

14/9/17   THU   HOT

今日都係如常返工返學啦, 揍咗仲爺入學校, 想同蔣老師傾吓仲爺的學習問題, 其實我真係好頭痛, 係咪應該比D時間佢呢, 定呢條友真係冇得搞, 係咁衰格呢! 食埋早餐返工啦, 今朝都冇咩特別忙, 都係做吓自己嘢, 本來今日出sailor moon個手機袋, 但我見唔到有都放棄, 點知Nicho話佢喺屯門買到, 好嘢! 話咁快又午飯, 食完就好專心咁睇電視啦, 下午又係做吓公事做吓自己嘢囉, 放工即閃去巴士站同笨元會合, 直接入青衣, 返去又要睇功課又要教仲爺做嘢, 又趕食飯, 又睇笨元功課, 為咩呢, 都係因為老細一句替佢去聽個會, 咁我就要人手調配啦! 7點多老公車我去青衣撘地鐵過金鐘, 話8點開始但都遲咗, 我呢D小人物梗係坐埋一邊聽完就閃啦, 回家仲爺已瞓咗, 笨元就要請先瞓, 同佢對一對作業啦, 佢呢D每日一早走唔甩架啦, 希望咁做法keep到佢記憶啦! 沖完涼摺埋衫都11點幾12點, 打幾盤機又要瞓啦!