10/1/18

10/1/18   WED   COLD

今朝真係出事, 係我唔知醒! 7點半先彈起, 其實要趕應該趕得切, 但陸生又唔夠急, 得我一個係到急, 結果真係遲咗3分鐘咁大把, 但點都係遲架啦, 不過我就真係火囉, 唔想佢遲到唔啱咩! 車程上我都係覺得我冇錯架, 所以都係好委屈咁, 都係唔開心架, 佢又係到講啲歪理, 激死! 返到公司先諗到今日子元返半日, 我傻到整咗飯, 自己又帶咗, 真係得個攞字! 又想起佢放1:05我可以自己接, 洗鬼又去阿媽到咩, 咁又要打比校車又要打比阿媽囉, 最終都蠢咗, 應該叫佢上8號車返屋企樓下同佢會合仲快! 接咗佢返得去食埋飯hea吓陣差不多3點先開始溫, 都溫到4點幾先開始做練習, 我就整吓甜品鼓勵吓佢! 一路做一路對都做到6點多叫做完成咗80%! 嫲嫲打嚟話出去食飯順手買六合彩, 咁喺附近食完就返去完成埋下半場, 仲爺沖涼就玩玩吓搞到一地泡, 比佢激死! 輕輕同仲爺溫咗書, 佢好似又醒咗少少咁, 知我琴日爆完佢好似有d用! 跟手叫子元完成埋練習, 祝佢好運啦! 11點前我可以悠閒地睇師任堂先瞓覺!