17/1/18

17/1/18   WED   COOL

今日都係如常咁返學返工啦, 朝早仲爺又送唔到校車喺到扭, 好煩! 返到學校諗住交收敏瑩條褲, 點知原來程生今日飛, 唯有靜靜雞叫老師放落婷婷個書包! 食埋早餐返到去都係開吓會啦, 午飯後就落咗去759買吓嘢, 下午都唔算太忙, 老細返咗嚟要做吓嘢咁啦, 不過都仲未太有mood! 話咁快又放工, 今晚book咗青衣城間新餐廳試, 主要平平地食$10/蠔, $88刺身咁啦, 另外再叫啲扒呀意大利飯, pizza呀等等, $1200埋單你話好貴又唔係, 愉景嗰間都差不多呢個價, 但呢到就食多好多款嘢囉! 食完仲要落去樓下食麥當勞雪糕先返屋企, 返去都冇同仲爺溫過常識, 識就識唔識就算啦, 教極都係咁, 反而係開始要佢學識自己執嘢, 根本就識做係做得衰啲, 真係要train佢做多啲! K.O.咗佢瞓覺, 睇埋笨元份卷, 今日派咗英文卷啦92.5, 算係過咗一關, 一來份卷真係淺, 二來佢都算係認真有溫! 搞掂哂佢地就去沖涼睇電視摺衫等等啦!