23/1/18

23/1/18.  TUE.  COOL

今日要揍子元個袋去婆婆到，但就因為咁搞到仲爺8：50先返到學校呢，前所未有咁遲！跟住仲要趕去子元學校幫佢買書，仲要排隊又要數清楚，再運埋去敏瑩屋企管理處，結果9點幾10點先返到公司，不過今日都冇咩嘢趕可以自由吓！午飯後本來諗都諗住落去攞相，老細仲要全部返哂嚟咁就連食飯都喺自己位食算啦，食完咪落去攞相囉，咁啱有條友問路，我答完佢又覺得其實我都係估估吓唔咁好，不如就睇吓google map再答實佢啦，就喺收部機時又上梯級，一不小心就pk了， 仲要跌得好金嗰隻，不過都先去攞咗相先，然後上麥當勞搵番兩個同事，又未至於救我，但有咩事都有人扶吓！下午都冇咩郁，因為真係好痛，搽咗兩次油好似好少少啦！放工仲要趕返去接子元過官塘踢波，嗰啲時間真係撘咩都死， 地鐵迫到一個點，我直情又推子元入去先掂！到咗一陣老公就到啦，仲爺瞓咗我就去車睇住佢又可以休息吓，老公就睇住子元！踢完去AMP食個晚飯就回家啦，沖得涼搞掂佢地都11點多，沖埋涼睇my tv邊睇劇邊摺衫，點幾鐘先瞓！