14/1/18

14/1/18   SUN   COLD*

今日應該可以休息吓架嘛, 但反而成日都覺得好忙冇得抖咁! 朝早都瞓到9點幾架啦, 但都係唔夠瞓咁, 子元11點學打鼓, 快食個早餐接番佢又返屋企, 老公就去咗踢波, 我又要一打二又要溫書, 都唔知點溫, 可能我真係太注重子元, 應該兩個一齊溫! 仲仲自己喺廳玩冇人理, 佢就係咁搞家, 令到我都好煩! 個人又攰笨元又開始溫到矇矇地! 3點多我先醒起要食午飯, 整咗啲粉用菜湯送咋, 子元就食得好好GE, 仲爺梗係唔賞面啦! 老公踢完波返嚟, 我都叫佢幫吓手先, 約咗去WY屋企探BB, 差不多5點先過到去, 因為另外啲人都早到, 佢地都坐咗一輪, 所以影完大合照佢地就閃啦, 得番我地喺到玩仲好, 佢兩個鍾意玩貓多過睇BB, 仲爺玩貓玩到比貓抓佢, 梗係啦又捉尾又捉手腳梗係唔like, 抵佢架, 喊得幾淒涼呀! 坐到6點幾我地都閃啦, 去咗愉景食晚飯玩咗一陣掟彩虹, 食埋拉麵返去再沖刺吓, 10點多K.O.哂佢地我都沖涼摺衫休息!