11/1/18

11/1/18   THU   COLD

今日子元開始考試, 我覺得真係我緊張過佢, 加埋琴日遲到事件, 我真係驚到較咗4個鬧鐘! 終於安全送咗佢上校車, 希望順順利利啦! 跟住就揍仲爺返學然後返工啦, 今日都係請咗下午假, 返去要溫書! 所以朝早都有點閒過就算, 忙咗幾個月真係要放鬆吓! 放工直接去美孚食個午餐先, 因為子元補緊英文到2點幾, 我又唔想行返屋企住, 去咗倉浪亭試吓佢啲麵, 四十幾五十蚊又好似唔值! 2點幾接番子元返去, 休息到3點幾開始溫英文做練習, 我就整嘢煲吓雜菜湯, 又整吓蛋白鮮奶比笨元補充吓, 唔知係我太狠比得太多練習佢定佢真係做得慢, 最終都做唔哂有啲可惜囉, 佢又話眼瞓啦, 咁我都攰! 老公都算係咁食完飯去洗碗, 咁我就抺地啫, 我都冇用幫仲爺對功課, 叫佢執玩具又執唔完, 最終老公去處理, 我K.O.埋子元, 唉…錯嚟錯去都係嗰D嘢, 明天都唔知點算! 10點幾我都沖涼, 睇埋師任堂就瞓啦!