25/1/18

25/1/18   THU   COLD

今日都係如常咁返工返學啦, 朝早都係揍佢兩個返學, 買埋早餐返去食, 今日想食吓粥清清地, 跟住都係做吓自己嘢, 冇咩特別, 午飯食沙律通粉, 所以唔係好夠飽兼且好凍, 冬天真係唔適合食凍嘢! 下午老細不在, 佢要去拍片嘛, 搞到artist咁巴閉! 放工後去美孚同阿媽會合, 因為今日佢揍哂兩隻豬, 子元又要補英文喎, 所以仲爺就一齊出嚟囉, 去街市買埋餸阿媽就走啦, 我就同仲爺喺美孚行, 原來一個鐘都好快, 又去麥當勞食吓嘢咁, 我堅係肚餓囉! 跟住又要去郵局幫老公寄信, 行返去接子元都差不多! 行返屋企都7:15啦, 不久老公都返到, 佢幫手整嘢打邊爐, 今日都好簡單咋, 不過打邊爐好長時間, 食得嚟都9點幾! 仲爺食咗麥樂雞一啲都唔餓, 所以都食到好衰, 但最終都食哂, 就同佢沖涼瞓覺, 我先再洗碗抺地, 子元的功課都係望吓有冇做就算! 沖好涼趕得切睇三流人生啦, 但老公又話眼瞓想瞓先….今次到我扭計要佢等埋我…於是佢就入房等囉, 因為我真係仲要摺埋d衫嘛!