13/1/18

13/1/18   SAT   COLD

今日長周, 老公要揍子元去踢波, 我就返工咁啦, 以為放工要去太子join佢地, 點知未夠1點兩隻嘢已經上嚟接我啦, 附近食個午餐就返屋企溫書啦, 真係冇咩時間理仲爺, 交咗比老公先! 同笨元溫一溫啲閒科, 佔1都要溫吓! 跟住就重溫番啲常識先, 然後再做數, 進度好似幾好咁! 期間仲爺好似有瞓過覺, 但因為我都冇咩出過去, 所以都唔太清楚, 老公又自己走鬼咗去瞓, 男人揍仔就係咁, 佢又唔識同個仔溫吓書架喎, 我真係分身乏術呀! 到5點幾我叫做K.O.咗子元等佢抖吓, 又要同仲爺做功課, 都做咗個幾鐘呀救命, 點係我冇得抖呢! 做完出去食個晚飯, 遠少少去咗九龍灣, 等佢地可以睇吓玩具咁, 9點幾先返到去, 沖好涼休息吓, 我都要休息吓!