9/1/18

9/1/18   TUE   VERY COLD**

今日真係好凍, 市區都得8度, 不過落到樓又真係唔覺得太凍, 可能著夠咗衫! 揍埋仲爺返學就食早餐返工啦, 今日唔知點解都好忙咁, 朝早開吓會吹吓水做吓嘢又已經lunch, 食完飯落去攞埋錢還又要開工, 下午有得睇吓相, 笑吓咁又過咗! 放工去接笨元, 返去預備嘢打邊爐, 一路都相安無事, 食完洗得碗抺埋地都9點幾, 睇吓仲爺啲功課就出事, 叫佢數唔識數, 叫佢讀唔識讀, 咁條友仔返學做咩架, 我一火就係收唔到, 又撕咗佢本書個封面, 陸生就嘈我咁做, 咁老實啦你教我點處理啲無名火啦, 佢話我可以唔教可以唔理但唔好撕喎, 頂…! 呢啲咩道理, 可以好有耐性咁教喎, 有耐性我就唔會發火啦, 真係人都顛! 有一吓我真係想一走了之, 但根本冇地方可以走, 佢又好似完全冇當我存在咁喎, 我入咗房坐咗喺地吓躲咗入衣櫃半個鐘, 佢都冇入嚟望過一眼, 我著褸佢就淨係識得叫我唔好搞咁多嘢快啲去沖涼, 話佢好攰! 我啲無力感真係出哂嚟, 我真係未試過一路沖涼一路喊, 喊到都唔知自己做咗啲咩! 都知道唔可以帶住嬲怒過夜, 但其實我真係好唔甘心, 嗰句咩都係我錯哂啦, 係咁喺耳邊出現, 其實我真係唔知點先係啱點先係錯, 好煩!