12/1/18

12/1/18   FRI   COLD

今日起身都有點趕, 千提萬提子元要留意做卷! 仲爺起身唔見咗哥哥又係到扭, 我都費鬼事理佢! 揍哂佢地返學食埋早餐就返工, 老細下星期就返, 所以今日都要好好閒吓! 午飯後睇吓電視, 冇咩特別, 下午都係輕輕鬆咁過呢, 放工去畫室接子元買蛋糕先, 食完晚飯就上去同阿媽切蛋糕! 返到屋企一陣就要落樓, 老公又話塞車又咁快到! 去咗食米線, 食完就上去阿媽到切蛋糕! 仲爺喺嫲嫲到過夜, 咁老公就話同子元練陣波, 我去咗萬寧入貨, 入完貨去搵佢地啦, 老公又叫我幫手做攔截, 做得十次八次我竟然冇氣冇力, 同佢地講我暈, 埋去扶住石肩, 但都暈咗向後跌, 好在patpat落地先再向後, 咁撞一撞個頭嗰吓就醒咗, 佢地馬上來扶起我坐起身, 老公再要我企起身, 摟住支電燈柱企要我自己企穩, 嗰吓真係要好強意志力, 最終抖咗陣就冇事, 但眼前黑耳聽矇個感覺好得人驚! 我都真係要慢慢做番運動先得, 氣又冇力又冇, 再咁落去唔係辦法! 返去沖完涼睇吓電視都瞓!