21/1/18

21/1/18. SUN.  COOL

今日瞓到未夠8點就比嗰兩隻嘈醒，真係好無奈！9點幾先肯起身，換埋床單攞落去洗先再去食早餐，今日轉吓場本來想去食美心但人多到都無謂排，就去咗銀龍食，只係一般咋！食完去街市買埋嘢就返屋企， 子元1點又要去踢波， 我同仲爺就喺屋企， 執吓嘢做吓功課咁啦！等佢地踢完波就喺巴士上會合，因為cube cube要明天才有得攞嘛，咁去咗深水涉掃街食蛇羹呀等等好多嘢，真係食得最開心，不過睇玩具時就最煩，仲爺成日都唔肯走。行到5點幾去買埋I pad套就撘地鐵攞埋蛋糕， 上到阿媽到竟然冇人，幾驚記錯日子！7點幾8點開得飯啦，仲爺唔知係咪肚餓，今餐食得好好喎，不過其餘時間都係跳來跳去好唔合作！邊食蛋糕邊睇吓萬千星輝頒獎禮！返緊去時仲爺已經瞓咗，所以都好快手做埋啲嘢沖涼休息。