2/1/18

2/1/18. TUE.  COOL+

今日我地要返工啦，佢兩隻嘢就仲放緊假，朝早7點幾先起身，仲要叫佢地搞掂出門口又已經過哂8點啦，因為要攞埋啲花過去阿媽同奶奶到，所以全程車我都要跟住， 最好笑係仲爺囉，佢去到嫲嫲到落車時竟然喊，有冇咁唔捨得呀！今朝要去觀塘交續牌嘢，所以直接過去，做完先買早餐，食埋返公司，啲老細返哂嚟， 佢有佢地喺嗰到開會，我本來都唔係好想過去，但工作上都係要面對，咁過親去佢地實有低能嘢，真係令人好激氣！午飯全世界喺到食，所以我地都係要喺自己位食，仲要做吓嘢咁添，算啦一日半日，下午借啲二落去買嘢入埋票，放工老公嚟接我，入青衣接埋嫲嫲同仲爺就去愉景新城晚飯，再去掟埋銀仔夾埋公仔咁就返屋企囉！快手叫兩位少爺搞掂啲嘢早啲瞓，明天要返學啦！