16/1/18

16/1/18   TUE   COLD

最後一日考試啦, 數學都係靠佢自己醒目啲, 考完佢就自由吓先啦, 我就如常咁揍咗佢校車仲爺起身就喺到扭話要哥哥, 好煩! 跟住食早餐又慢啦, 差不多8:40先返到學校! 返到公司都係做吓自己嘢啦, 老細中午前返咗嚟, 比哂嘢佢簽呀睇呀就算, 午飯後都係睇吓電視咁啦, 冇咩特別! 下午都係做吓公事做吓私事咁啦, 放工去接子元過跑馬地踢波, 真係好遠呀, 快腳都要差不多9個字先過到去, 老公仲要接仲仲, 所以7點幾都未過到嚟, 泊得車來到都差不多完場, 咁就去附近食清湯腩咋, 真係幾好食! 仲好好彩喺附近執到平嘢, 子元要買黑波鞋嘛, 老公又要買夾綿褸, 本來我都想睇吓波鞋, 但唔啱款冇辦法! 返到屋企沖好涼K.O.咗佢地, 又同個勞作影埋相等等, 已經11點, 我想睇埋師任堂先沖涼, 結果沖完都12點幾, 老公頂唔順要瞓先, 我就邊煲番平安谷邊摺衫, 到2點都完全唔眼瞓囉, 但都要瞓架啦!