22/1/18

22/1/18   MON   COOL

今朝要起身炒飯比笨元帶, 又要再早啲起身! 送完佢校車買埋麵包比仲爺食, 今日要跟程生車, 我已經快手快腳架啦, 但都係趕唔切喺佢地車到之前落得切樓! 返到學校吹吓水咁啦, 買埋早餐返公司食, 今日唔洗開會就最好啦, 朝早都係做吓自己嘢, 放飯後都係食完睇吓電視, 下午老細返咗嚟, 不過都唔願過嚟呢邊見到我地啦! 放工快閃去接子元, 今日話劇嘛, 仲有派咗數學, 剛剛好9字頭, 若果常識派埋都係A, 咁佢應該會好氣頂點解中文得B, 條4穿1斷咗! 返到屋企可以慢慢煮飯, 因為老公要去攞番cube cube先再入青衣揍仲爺, 所以晚煮得幾好, 子元又清我倉! 不過因為要睇平安谷拖慢了進度, 陸生自動去教仲爺功課, 佢咪又係用衣架兇佢喊哂咁, 我咁做又話我, 頂佢呀! K.O.咗仲爺沖涼瞓覺, 子元就趕埋幅畫, 其實後日先交, 但明晚又要踢波咁邊有時間, 畫到11點多先瞓呢, 不過就真係畫得好好! 我就摺埋衫先沖涼, 所以都冇睇J2劇! 打咗陣機都頂唔住瞓覺!