24/1/18

24/1/18   WED   COOL

今日要出去開會, 揍咗子元校車就返上去換衫捉仲爺起身換衫返學啦! 返到公司都係做吓自己嘢啦, 又要開吓會咁, 11點幾準備過海, 食完飯行咗陣間優品360又買咗啲嘢咁啦! 返上去吹住水做吓嘢等開會啦, 2點幾齊人都開到4點多, 因為傾咗好耐好多濕碎嘢, 執埋啲手尾我都4點半先走, 又要趕返屋企放低嘢再去接子元, 佢今日話劇放5:30, 返到屋企佢就做功課, 我就整定通粉明天做沙律! 本來話我接咗仲爺上屋企先, 嫲嫲同老公去完大酒店先返嚟接我地, 但因為仲爺瞓咗, 佢地亦不會真係坐好耐, 所以就直接接埋我地過去喺車等, 我就打吓機囉, 等佢地搞掂就去咗食泰國嘢, 真係好好笑喎! 不過仲仲點都係瞓, 抬到佢返到屋企就起身, 咁咪沖涼囉, 沖完涼又話肚痛, 我估佢係肚餓, 但係因為唔瞓晏覺到食飯時間先嚟瞓, 係唔值得同情, 我咪叫佢瞓覺就唔痛, 明天先比番早餐佢食! 我沖完涼摺埋衫都冇精神睇電視啦!