17/9/22

 17/9/22.    SAT.    COLD

今朝睇天氣報告，得五度，真係凍咗好多，食完早餐仲仲要去踢波，子元又要踢波，所以老公車咗我同仲仲去球場，佢就再揍子元，變咗我要喺球場等，又凍又大風，一時之間都未習慣返咁凍！終於等到老公帶埋杯咖啡嚟搵我，不過杯咖啡都變咗暖！佢車咗我哋返屋企，然後再去接子元，呢個球會真係好勤力係咁加操，所以佢哋兩點幾先返到嚟，我同細佬都忍唔住焗咗個Pizza食咗一半先！整完自己換衫再去另一個球場練波，我哋就要去買嘢啦，太耐冇入貨咩都冇，先去榮業行食咗個午飯，跟住再行超市，不過其實龍鳳行有嘅嘢佢都有，反而佢連牛肉味嘅丁麵都冇真失敗，但我都買咗七十幾磅！然後就去Costco，呢度又買咗百幾磅，冇辦法啦有肉有其他嘢咁！去球場接埋子元先至返屋企都已經六點幾，好彩擺完啲貨入屋之後泊咗我哋個位架車終於肯走，咁就可以差啲喇！放好晒啲嘢pack埋啲肉，就叫老公快啲煮飯因為已經八點幾，食完飯快啲洗埋碗沖涼休息！