4/9/22

 4/9/22.    SUN.    WARM

今日冇咩嘢午，所以都係hea！差不多8點已經醒咗，但個胃都仲係唔係好舒服，所以老公整咗多士同炒蛋我食就算，食完早餐第一時間吸塵抹地先，但吸吸下層個吸塵機冇電，諗住去叉電啦，點知差唔到喎，老公話應該個火牛壞咗，咁都要買嗰個㗎啦，雖然有啲貴！最後用最原始嘅方法掃咗個地，拖埋佢就可以抖一陣，因為仲係唔係好舒服，所以都係唔好出街，子元又話打機咁就一齊打多陣啦，結果都打到差不多三點實在太過分！因為主人要去踢波所以先至停，午餐好求其咁我都唔知食咗啲乜嘢，不過我又唔係好肚餓，所以都去食咗啲零食同埋塊多士就算！老公出咗去秋子元，以為佢有睇佢踢埋先至返，點知佢好快就返嚟，因為要睇阿仙奴對曼聯，但個電視又好唔生性，開頭成日都load唔到，好在10幾廿分鐘之後終於load到可以睇！之後到我想睇返琴日喺Facebook錄到嗰條片個劇集嘅結尾，好在我記得套劇叫咩名先至可以搵得到嚟睇！老公返嚟就煮晚餐，佢話想食炒飯，所以一早煮好飯攤凍咗可以炒，然後仲要整鴨胸同埋腸仔等等，因為要逐個飯炒所以都幾嘥時間！八點幾九點就沖好涼，因為聽日兩位少爺都開學啦，所以今日都係早啲瞓啦！