25/9/22

 25/9/22      SUN.     COOL

今日真係好忙碌！朝早八點幾起身就要準備出門口，因為兩位少爺都要踢波，首先9:30車咗哥哥去球場，然後我哋去食咗個早餐，再揍仲仲去比賽，遲咗少少，不過比賽都遲開始，冇所謂啦！場比賽最終5-5，但係開始嘅時候係佢哋領先，係咁俾人追番上嚟真係可惜！睇到12點幾，要等老公嚟車返我哋，因為子元去練完波又要去補習，佢都遲咗先去補習，蝕咗！接咗我哋就返屋企，食咗個飯團，但係都唔多夠飽，等仲爺沖完涼我哋同阿媽傾完電話就出去超市買嘢，返到嚟係咁椅掃咗個地同埋清潔咗個廁所，就要摺埋啲衫，老公去接番子元放補習，未夠五點事頭佢哋就嚟㗎啦，開頭都係吹吓水囉，同埋預備下今晚韓燒啲材料，啲細路最終都係開咗遊戲機嚟㗎，我都想好多人一齊玩Overcooked呀！七點幾開始燒肉，其實最終食完都係差不多九點，今日要早啲瞓啦大家明天都要返工返學，洗好嘢執埋野就沖涼休息！