29/9/22

 29/9/22     THU     COLD

今日都係老公揍仔返學, 我就自己嚟! 返到去都係如常等開工, 今日Bella準時返呀, 但就冇咩表情咁囉, 開頭都有啲難服侍, 慢慢上咗兩堂又好少少, 到第三堂英文又係代課, 咁啱我又收律師樓電話等等, 有機會可以出去聽電話, 總之就係準備黃昏去收key啦! 12點幾有得食午飯, 邊食邊同同事吹吓水咁, 好快又夠鐘! 今日餘下時間都唔錯, 無驚無險放工返屋企! 本來諗住子元返埋嚟就出門口去收Key, 點知老公又話要我同佢睇新工份文件, 子元又話要蒸飯, 但已經3:45啦, 係咪應該出門啦呢! 加上又塞車喎, 結果差不多4點3先去到estate agent到攞Key, 又要再去開箱嘛, 最終4點半先去到, 終於可以入屋啦, 雖然間屋冇哂傢俬但又好似冇之前睇咁大, 不過都係要咁住架啦! 先係拍片啦, 跟住就開始度吓尺, 諗吓啲嘢點擺, 搞到5點多先走, 仲要趕返去揍德, 加上又塞車啦, 真係幾經辛苦先返到去, 仲要快手煮飯比德食, 跟住又開始度嘢, 食完飯再繼續, 沖完洗K.O.埋仲爺又要覆電郵, 今日都夠哂啦, 嚟緊要努力為搬屋啦!