30/9/14

30/9/14   TUE   HOT

今日雖然冇咩mood開工, 但都要做嘢GE, 朝早如常揍咗笨元撘校車啦, 返上樓等柏仲食埋奶又入嫲嫲到啦, 食埋早餐我就返工啦, 好快有巴士, 返到去hea吓又一朝啦, 午飯後老細返咗嚟一陣就走, 冇咩特別嘢GE, 佢喺唔喺到都可以搖控我地做嘢架啦! 下午都係做吓自己嘢又做吓公事咁啦, 冇人吹水都有D悶! 放工接埋笨元就返屋企啦, 已做好功課, 因為老公話出去尖沙咀買波鞋, 所以喺美孚會合食咗麥記就撘西鐵出去, 都好快GE不過行得多D囉! 本來想幫敏瑩買埋架但冇童裝幫佢唔到, 帶子元去埋反斗城行吓就回家了, 好在早走咋, 返到屋企先知原來廣東道都佔埋! 返到去全部洗白白瞓覺, 我都要抖吓了, 好攰, 好早就瞓!

<去咗反斗城玩無聊嘢!>

 

 <子元D pose有時都好女仔...>

29/9/14

29/9/14   MON   HOT

今朝真係拖住疲累GE身軀返工, 朝早以為賣甩到柏仲唔帶佢落樓送校車, 最終出門口時都係發現咗佢起咗身, 咪抱埋佢落去囉! 返上樓後整嘢呢樣嗰樣咁出得門口都8點3, 唔敢撘巴士呀怕唔知路面咩情況, 所以用咗個最轉折的方法入去, 用咗大半個鐘先入到去, 不過原來都有巴士, 咁返出嚟都冇問題, 但D車全部去到深水涉就調頭, 反而D車密咗! 返到公司都係吹吓水啦, 我仲要過番哂D相, 寫番D日記咁, 已經一朝啦, 午飯後都係睇吓電視咁啦! 下午老細sales全部返哂嚟, 好在開會都開得好快, 準時收工去接笨元, 今日好少功課喎, 我仲好奇佢地係咪罷教! 返到屋企見嫲嫲喺到, 原來佢約咗人出街, 所以揍咗柏仲出嚟先, 咁我返到佢就可以閃, 唔洗等陸生入去接! 沖好涼就煮飯食, 今日都好簡單咋, 快手食完搞掂就同笨元睇功課溫默書, 有字唔識寫, 都係要罰抄番啦, 希望呢個方法令佢自己再主動D溫好D! 執好哂嘢老公就K.O.佢, 柏仲一早已食埋奶瞓咗! Barry上咗嚟比嘢老公, 又係到坐到10點幾先走, 我就唔得閒理佢, 又要摺衫咁大把嘢做! 10點幾11點休息咗一陣都已經眼瞓, 老公又想睇電視, 所以我都冇等佢就瞓, 12點幾時聽到柏仲嘔, 又係有痰, 睇嚟都要再買猴棗比佢食先得啦! 執埋D手尾再瞓過!

28/9/14

28/9/14   SUN   HOT

今朝柏仲6點幾醒過, 但比我打暈番, 瞓到8點多真係醒哂, 慢慢叫醒埋佢地梳洗, 先餵埋柏仲食奶, 等老公都ready好就落去食早餐, 都9點多了, 子元其實都唔係食得幾多, 又掛住打機, 柏仲就食咗D包同我整咗蛋黃粥比佢, 係我食得最多囉, 食夠佢中午唔洗食咁多嘛, 而且D嘢又真係幾好食嘛! 老公早少少帶咗柏仲上去瞓先, 因為佢已經開始嘈, 我就同子元食多陣返上去, 10點幾又換衫再落去游水, 老公陪柏仲瞓覺! 子元主力玩沙, 我就係到曬太陽, 好正! 臨尾帶子元游咗陣就返上樓沖涼執嘢啦, 第一時間打第話延遲check out時間, 柏仲差不多12點多先醒, 我就好努力咁執嘢, 攞得GE都攞哂返去, 好在都夠位放好哂! Check out寄存行李後去翠華食午飯, 柏仲食咗罐飯仔, 就等穿巴去新馬路, 好叻咁找到架巴士去消防博物館, 其實唔算好多嘢睇, 但就啱笨元睇吓, 比咗支奶柏仲食, 睇完見時間尚早就行返去新馬路撘穿巴, 順道可以周圍睇吓嘢嘛! 到大三巴幫佢兩個影番張到此一遊, 然後沿路食住試食咁慢慢行到去新馬路撘穿巴返酒店, 仲有時間嘆吓雪糕先攞行李去碼頭, 7點幾返到香港先知佔中搞到咁大件事, 但我地都要喺上環食埋晚飯才撘地鐵返去, 好在有條東涌線返得到去, 但喺中環站都見D警察行動中囉! 回家後沖涼洗嘢餵奶瞓覺等等, 12點幾1點先瞓呢!

<酒店lift口都好正!>

 <玩沙中!>

  

 <柏仲比子元玩!>

<參觀消防博物館!>

 

  

 <門口留影!>

 <好曬呀!>

 <大三巴打卡> 

 

<回程了!>



27/9/14

27/9/14   SAT   HOT*

今日係澳日之旅呢! 柏仲6點就醒, 真係攞我命! 7點多都要起身啦, 梳洗完餵柏仲食多次猴棗抖陣先食奶, 馬上洗番個奶樽蒸咗佢先, 再摺衫! 8點幾出門口揍笨元去畫班, 跟住買早餐返公司! 都係hea住等收工, 又搜集吓澳門資料先啦! 未夠1點就落樓去地鐵同老公佢地會合, 快手過到去上環食KFC, 然後就出發上船了, 由於早到, 可以撘2:15嗰班船, 大家齊齊瞓哂, 出海關後就撘旅遊巴去酒店, check in攞房上到去都係4點幾, 換好衫齊齊去泳池, 子元開始變得唔怕水, 仲好大膽咁行到好出, 柏仲又係唔怕啦, 係咁玩浪! 於是主力我睇子元老公睇柏仲, 又影咗好多寫真啦, 之後又交換我帶柏仲去浸溫泉, 玩到6點先返上去沖涼, 餵柏仲食埋餐奶就出發搵食, 但笨元捱唔到太餓, 於是買咗個starbucks包頂住先, 行到去官也街終於食到山度士, 唔知係肚餓定真係咁好食, 總之我地食得好滿足! 柏仲喺門口都仲係醒架, 但入座後就瞓咗, 所以我地上半餐可以食得安樂D, 後半段醒咗就比咗少少飯佢食, 然後又去食甜品啦, 我食咗榴槤雪糕, 笨元食咗燕窩雪糕, 老公就食椰子, 之後再去排隊買手信, 分頭行事買齊手信就行返酒店啦, 本來都諗住去睇煙花架, 但兩個細都攰, 又找唔到點過去, 於是都係放棄了! 返酒店後要沖涼執嘢, 搞得嚟柏仲10點多食咗奶就瞓, 佢有佢張BB床, 幾舒服! 子元同老公就掛住打機, 我要執好D嘢先有得休息, 真係超攰! 11點幾要捉子元瞓啦, K.O. 咗佢到我地要瞓啦嘛, 今日咁hea玩真係幾正!

<出發過大海啦!>

 <海船仔!>

 <打卡先!>

 <落去海灘玩, 又有草地可以玩!>

 <子元幾型!>

<柏仲完全唔怕水!>

 <係咁向前爬!>

 <兩兄弟玩水水!>

 <美圖後見得吓人!> 

 <士度士晚餐 - 葡國炒蜆>

 <焗鴨飯>

 <馬介休炒菜!>

 <子元著得好好睇!>