12/11/14

12/11/14   WED   COOL

真係好耐冇試過咁忙, 仲要忙到咁火, 唉! 朝早如常咁揍笨撘校車, 揍仲入嫲嫲到啦, 之後食早餐返工, 返到去都快手寫好日記就預備吓中午同下午開會D嘢! 中午同總監去開lunch meeting, 去咗D2邊食邊傾, 咁除咗食的時候, 又真係好認真去傾工展D嘢GE, 呢D先係開會囉, 集中提出問題再去解決! 開到2點幾又要趕返公司開下一場講Annual Dinner, 我都醒架啦, 整定咗個議程咁好過空口講白話嘛, 開頭好好地架傾得, 因為老細未返嘛, 到佢返到嚟就慘啦, 講到東拉西扯咁, 又唔到題之餘仲要出咗醜以為自己好醒嗰隻, 成日講得自己之前可以幾平找到D咩, 但人地唔係sell平架嘛, 係sell class架嘛, 我真係冇眼睇! 到後段明明人地都講哂想走架啦, 又係咁講D廢話, 拖住人地去聽, 真係醜怪到呢, 唉…我真係覺得好核突! 之後再發生嗰件事先炆, 比佢睇明天食午宴個list, 佢竟然反問番我點解要請某某, 大佬, 我比個list你又唔睇, 仲要講到明你係唔睇, 咁你就唔好係到嘈, 你係老細你就要bear呢D責任, 學另一人話, 死貓係可以食, 但要睇吓你比咩價位囉, 比個咁GE價就要人食死貓, 真係好冇品囉! 之後返埋位真係爆哂粗鬧佢呀, 唉…好火好火好火呀! 放工返到去笨元眼瞓, 幾經辛苦抬佢返去咁滯, D功課又喺哂屋企冇得做住, 好在返去沖完涼之後就精神番, 仲乖乖咁自己做功課, 我冇哂力話佢反而佢仲自動自覺, 真係要tune吓自己的語氣, 原來溫柔係得! 食飯時柏仲都係唔多合作架啦, 洗好碗就執功課, 比佢兩兄弟玩陣就瞓覺! 之後就找定明天著的衫等等, 11點幾12點頂唔住瞓!