19/11/14

19/11/14   WED   COOL

今朝柏仲6點就醒, 真係好殘忍, 我琴晚已經夜瞓, 真係瞓得嗰5個鐘咋陰公! 揍咗子元撘校車就返上樓等嫲嫲過來, 因為老公今晚踢波唔得閒揍柏仲! 之後我就返工啦, 買早餐返去食, 之後都係做吓自己嘢, 因為下午要開會, 所以冇開檀做廠D嘢, 午飯後要找報紙比笨元做專題用, 好在都比我找到啫! 下午開會開到放工呢, 所以開完都走啦, 去接笨元回家, 不過柏仲喺到, 嫲嫲又要煮飯等, 子元又專心唔到喺房做好佢D嘢, 只係開飯前叫做對好功課, 飯後睇住得隻細, 隻大又唔識自己入房做嘢, 而家揍住柏仲真係睇唔到子元功課, 因為柏仲會不停爬上子元張床, 好危險! 到9點左右都仲有N樣嘢未做, 諗住K.O.咗柏仲可以幫子元執埋D手尾, 但個衰仔玩哂嘢, 放喺床仔點都唔瞓, 出出入入好幾次, 最終都係用一個最有效方法, 由佢喊, 5分鐘唔洗冇聲, 瞓咗! 呢招萬試萬靈! 咁就快手叫子元做埋D嘢, 默書佢溫咗但已夜, 明天才再默啦, 咁就做埋分專題先, 再做網上功課, 然後咪執書包校服囉, 老公都返嚟啦佢都未搞掂, 一同平時的程序唔同就亂哂! 最終10點幾先瞓, 我都要抖抖啦, 11點多已勁眼瞓, 我而家D電力真係唔多襟用!